Interi ka humbur në udhëtim te Torino me rezultat minimal 1-0 në takimin e vlefshëm për javën e 31-të të Serie A.

Pjesa e parë e takimit u karakterizua me dominim të Interit, të cilët provuan me Mauro Icardi e Ivan Perisic, por asnjëri nuk arriti të gjej rrugën e rrjetës.

Atë që se bëri Interit, e bëri Torino në rastin e tyre të parë, ku pas një kundërsulmi të shpejt, Adem Ljajic (36′) arrin të shënoj nga afërsia dhe ta dërgoj skuadrën e tij në pushim me epërsi 1-0.

Në pjesën e dytë, u zhvillua lojë më e barabartë, por me një nuancë të lehtë dominimi për Nerazzurrët.

Interi rrezikoi me Perisic dhe goditi shtyllën me Rafinhan, por pa pasur fat ta tundin rrjetën dhe ta gjejnë golin e barazimit.

Kështu, pas 90 minutave lojë është Torino që merr një fitore të madhe në shtëpi me rezultat 1-0 ndaj Interit.

Pas kësaj humbje, Interi mbetet në pozitën e katërt me 59 pikë, ndërsa Torino renditet në vendin e 10-të me 45 pikë.

Në takimin e radhës, Nerazzurrët luajnë përsëri në udhëtim te Atalanta, ndërsa Torino i shkon Chievos